திருமாளிகைத்தேவர் அருளிய திருவிசைப்பா.
ஒளிவளர் விளக்கே உலப்பிலா ஒன்றே;
உணர்வுசூழ் கடந்ததோர் உணர்வே;
தெளிவளர் பளிங்கின் திரண்மணிக் குன்றே;
சித்தத்துள் தித்திக்கும் தேனே;
அளிவளர் உள்ளத்து ஆனந்தக் கனியே;
அம்பலம் ஆடரங்காக;
வெளிவளர் தெய்வக் கூத்துகந்தாயை;
தொண்டனேன் விளம்புமா விளம்பே!
விளக்கம்:
பிரகாசமாக ஒளிவீசும் விளக்கே;
அழிவு அற்ற ஒரு பொருளே;
சாதாரணஉணர்வால் அறியமுடியாத
உணர்வே;தெளிவான பளிங்கு
விடும் ஒளிக்கதிர்கள் சேர்ந்து உரு
வான மணிக்குன்றே;
சிந்தையில் அல்லது மனத்தில்
தேனாய் இனிப்பவனே;அன்பு
பெருகும் மனதில் ஆனந்தத்தை
தரும் கனியே;தில்லை
அம்பலத்தை நடனம் செய்யும்
அரங்காக கொண்டுநீ ஆடும் தெய்வ
திருநடனத்தை;தொண்டனாகிய
நான் எப்படிசொல்வதென்று எனக்கு
சொல்வாயாக.
No comments:
Post a Comment